78-210-08-92, 78-210-08-95
zar.havza@minwater.uz
Zarafshon irrigatsiya tizimlari havza boshqarmasi
www.zarhavza.uz

 
 

Shavkat Mirziyoev yettita yangi suv ombori qurilishi haqida ma'lum qildi

O‘zbekistonda jami 45 million kub metr suv yig‘iladigan yettita suv ombori quriladi. Bu haqda prezident Shavkat Mirziyoev O‘zbekiston qishloq xo‘jaligi xodimlariga tabrigida ma'lum qildi.

Davlat rahbarining ta'kidlashicha, suv omborlari tarmog‘ini kengaytirish hisobidan lalmi yerlarni o‘zlashtirish masalasiga alohida e'tibor qaratiladi.

Buning uchun Toshkent viloyatida jami 45 million kub metr suv yig‘iladigan “Parkentsoy”, “Qizilsoy”, “Toshtepa”, Jizzax viloyatining Forish tumanida “Karaman”, Qashqadaryo viloyatida “Guldara”, “Ayaqchisoy”, Samarqand viloyatida “Bulung‘ur” suv omborlari barpo etiladi.

Kelgusi ikki yilda 1 million 200 ming gektar yerning suv ta'minoti barqarorlashtiriladi, yiliga 1 milliard 700 million kub metr suv tejaladi va 600 ming gektar yerning meliorativ holati yaxshilanadi.

Kelgusi yilda sug‘oriladigan yerlarning meliorativ holatini yaxshilash maqsadida Davlat byudjetidan qariyb 1,7 trillion so‘m, xalqaro moliya institutlarining 84 million dollar miqdoridagi mablag‘ini yo‘naltirish rejalashtirilmoqda.


Kiritilgan vaqti: 17/12/2018 11:52;   Ko‘rilganligi: 403
 
Tarkibiy bo‘linmalar
 
 
 
Matnni o‘qish uchun ushbu tugmani bosing