Зарафшон ирригация тизимлари ҳавза бошқармаси
www.zarhavza.uz

 
 

Шавкат Мирзиёев еттита янги сув омбори қурилиши ҳақида маълум қилди

Ўзбекистонда жами 45 миллион куб метр сув йиғиладиган еттита сув омбори қурилади. Бу ҳақда президент Шавкат Мирзиёев Ўзбекистон қишлоқ хўжалиги ходимларига табригида маълум қилди.

Давлат раҳбарининг таъкидлашича, сув омборлари тармоғини кенгайтириш ҳисобидан лалми ерларни ўзлаштириш масаласига алоҳида эътибор қаратилади.

Бунинг учун Тошкент вилоятида жами 45 миллион куб метр сув йиғиладиган “Паркентсой”, “Қизилсой”, “Тоштепа”, Жиззах вилоятининг Фориш туманида “Караман”, Қашқадарё вилоятида “Гулдара”, “Аяқчисой”, Самарқанд вилоятида “Булунғур” сув омборлари барпо этилади.

Келгуси икки йилда 1 миллион 200 минг гектар ернинг сув таъминоти барқарорлаштирилади, йилига 1 миллиард 700 миллион куб метр сув тежалади ва 600 минг гектар ернинг мелиоратив ҳолати яхшиланади.

Келгуси йилда суғориладиган ерларнинг мелиоратив ҳолатини яхшилаш мақсадида Давлат бюджетидан қарийб 1,7 триллион сўм, халқаро молия институтларининг 84 миллион доллар миқдоридаги маблағини йўналтириш режалаштирилмоқда.


Киритилган вақти: 17/12/2018 11:52;   Кўрилганлиги: 385
 
Таркибий бўлинмалар
 
 
 
Матнни ўқиш учун ушбу тугмани босинг