Bugungi kunda «Darg‘om» irrigatsiya tizimi boshqarmasida 165 nafar ishchi-xodimlar faoliyat yuritib kelmoqda. Ularni qo‘shimcha rag‘batlantirish hamda qishloq xo‘jaligi mahsulotlari bilan ta'minlash maqsadida boshqarma binosi hududidagi 40 sotix yer maydonida issiqxona tashkil qilingan. Issiqxonaning 5 sotix yer maydonida limon va 30 sotix yer maydonida esa bodring mahsulotlari yetishtirilmoqda.

– Boshqarmamiz hovlisida 5 sotix issiqxona tashkil qilib, limon daraxtlarini ekkanmiz, – deydi «Darg‘om» irrigatsiya tizimi boshqarmasi boshlig‘i Quvonchbek Ochilov. – Hosil ko‘pligidan shoxlarini ko‘tarolmay qoldi. Limonariydan 8 tonnadan ko‘proq hosil olishni rejalashtirayapmiz. Bundan tashqari 30 sotix issiqxonamizga 7000 dona bodring ko‘chatini tomchilatib sug‘orish texnologiyasi joriy qilgan holda ekdik. Ayni vaqtda hosil tayyor bo‘lay deb qoldi. 1 sotixidan 800 kggacha hosil berishi kutilmoqda. Shuningdek, boshqarmaga qarashli 10 sotix yer maydonda to‘qsonbosti ekinlari ekilgan.  

Ma'lumot o‘rnida aytib o‘tish joizki, boshqarmada 14 bosh qo‘y-echki hamda 5 bosh qora mol boqilmoqda

Zarafshon ITHB matbuot xizmati