O‘zbekiston Respublikasi Suv xo‘jaligi vazirligi tomonidan O‘zbekiston Respublikasi Konstitusiyasi qabul qilinganining 32 yilligi hamda «Qishloq xo‘jaligi xodimlari kuni» munosabati bilan yurtimiz taraqqiyoti va hududlarda suv xo‘jaligi sohasini rivojlantirishga munosib hissa qo‘shib kelayotgan bir guruh xodimlar «O‘zbekiston Respublikasi Suv xo‘jaligi a'lochisi» ko‘krak nishoni bilan taqdirlandi.

Bugun Zarafshon irrigatsiya tizimlari hududiy boshqarmasida ushbu mukofotlarni tantanali topshirish marosimi bo‘lib o‘tdi.

O‘zbekiston Respublikasi Suv xo‘jaligi vaziri o‘rinbosari R. Qarshiyev vazirlik nomidan «Mirza-Pay» irrigatsiya tizimi boshqarmasi boshlig‘i o‘rinbosari Sh. Usmonov, «Oq-Qoradaryo» irrigatsiya tizimi boshqarmasi navbatchi dispetcheri Z. Arzikulov, «Minakal-Tos» irrigatsiya tizimi boshqarmasi boshlig‘i o‘rinbosari J. Yahyoev va «Darg‘om» irrigatsiya tizimi boshqarmasi qorovuli B. Mardanovga «O‘zbekiston Respublikasi Suv xo‘jaligi a'lochisi» ko‘krak nishonlari va pul mukofotlarini tantanali ravishda topshirdi.

Shuningdek, sohada samarali mehnat qilib kelayotgan bir guruh xodimlarga O‘zbekiston Respublikasi Suv xo‘jaligi vazirligi tomonidan faxriy yorliq va esdalik sovg‘alari taqdim etildi.

Qishloq va suv xo‘jaligi sohasida faoliyat olib borayotgan barcha xodimlarni bayram munosabati bilan, shuningdek, mukofotlanganlarni mehnatdagi yutuqlari bilan samimiy muborakbod etamiz.

Zarafshon ITHB matbuot xizmati